ផលិតផលយីហោផ្ដាច់មុខរបស់ អ៉ីអន
ថប់វែលយូ ជាយីហោផ្ដាច់មុខរបស់អ៉ីអន បង្កើតទ្បើងដំបូងនៅឆ្នាំ១៩៩៤ ដោយមានការចូលរួមពីអតិថិជនរបស់អ៉ីអន និងស្តង់ដារគុណភាពដ៏តឹងរ៉ឹងរបស់អ៉ីអន ជាមួយទស្សនៈវិស័យ “ធ្វើឲ្យការរស់នៅប្រចាំថ្ងៃរបស់អតិថិជនកាន់តែមានភាពរីករាយ”។ ថប់វែលយូ បានក្លាយជាយីហោឈានមុខគេ នៅជប៉ុនទាំងទៅលើការលក់ និងទំនុកចិត្តពីអតិថិជន ដែលតែងតែគិតពីមតិយោបល់របស់អតិថិជនជាធំ។
ថប់វែលយូ ជាយីហោផ្ដាច់មុខរបស់អ៉ីអន ផ្ដោតលើការអភិវឌ្ឍគុណភាពនៃការរស់នៅ ដែលអាចបំពេញបានគ្រប់តម្រូវការរបស់អតិថិជន។ ថប់វែលយូ ផ្ដល់នូវគុណភាពដ៏ល្អឥតខ្ចោះ សុវត្ថិភាព និងគុណតម្លៃទៅកាន់អតិថិជននៅទូទាំងអាស៊ី។ ស្តង់ដាគុណភាពដ៏ម៉ត់ចត់ និងប្រព័ន្ធតាមដានរបស់យើងជាសក្ខីកម្មបញ្ជាក់ថា យើងអាចផ្ដល់នូវទំនិញដែលមានគុណតម្លៃ និងគុណភាពដ៏វិសេសវិសាល ដែលអ្នក និងក្រុមគ្រួសារអ្នក អាចប្រើប្រាស់បានជារៀងរាល់ថ្ងៃដោយស្ងប់ចិត្ត។
ថប់វែលយូ Best Price ជាយីហោផ្ដាច់មុខរបស់អ៉ីអនដែលផ្ដល់នូវតម្លៃដ៏សមរម្យបំផុតនៅក្នុងតំបន់ ជាមួយគុណភាពគួរជាទីពេញចិត្ត។ គ្រប់ផលិតផលទាំងអស់របស់ ថប់វែលយូ Best Price ត្រូវបានបង្កើតទ្បើងដោយសន្សំសំចៃជាទីបំផុត ដោយលុបបំបាត់ ការប្រើប្រាស់សម្ភារះវេចខ្ចប់ដែលមិនចាំបាច់ ដើម្បីធានាអោយបាននូវទំនិញដែលមានគុណភាព អាចបំពេញគ្រប់តម្រូវការចាំបាច់របស់អតិថិជនក្នុងតម្លៃប្រកួតប្រជែងបំផុតនៅលើទីផ្សារ។
ថប់វែលយូ Green Eye បង្កើតទ្បើងក្នុងឆ្នាំ១៩៩៣ ផ្តោតលើសុវត្ថិភាព និងនិរន្ដរភាព។ ផលិតផលនីមួយៗត្រូវបានផលិតទ្បើងដោយប្រើប្រាស់វត្ថុធាតុដើមដែលមិនប៉ះពាល់ដល់បរិស្ថាន និងសុខភាព។ ថប់វែលយូ Green Eye ត្រូវបានបែងចែកជា ៣ផ្នែក។
ហូមខរឌី
អាយស៊ី